Os Departamentos de Lingua Galega e Lingua Castelá levaron a cabo unha actividade na que se reflexionou sobre o papel da muller nalgúns contos tradicionais. O alumnado versionou estes contos cambiando o papel feminino e aproveitamos para explorar o mundo do podcast . Velaquí o resultado: se premes en cada un dos contos poderás escoitar as diferentes versións.
Con esta actividade despedímonos ata setembro. É momento de descansar e coller folgos para o vindeiro curso.
Tempo de verán e, como non, de lecturas. Aquí vos deixamos algunhas suxestións para estes tempos cálidos. Premendo en cada libro, terás infomación máis completa da obra.
En colaboración co Departamento de Lingua Castelá, o alumnado de 3º da ESO elaborou unha serie de folletos turísticos de Boimorto e a súa contorna. Coñeces a beleza destas paisaxes?
Hoxe tivemos a última xornada coas colaboradoras da biblioteca e quixemos agasallalas cun aperitivo. Moitas grazas, rapazas!! Sen vós, non sería o mesmo. Esperamos que repitades para o curso que vén. 😍📚
O 2 de maio celébrase o Día Mundial contra o Acoso Escolar. O alumnado de 2º da ESO, en colaboración co Departamento de Lingua Castelá, elaborou carteis para concienciar aos seus compañeiros sobre a importancia de respectar aos demais ante unha problemática tan latente na sociedade actual.
A esta actividade sumarase o alumnado de 4º de ESO nestas semanas.
Como cada 17 de maio, festexamos o Día das Letras Galegas. Nesta ocasión, o xoves 18 de maio, tivemos a sorte de contar coa presencia de Vero Rilo, co seu espectáculo para todo o alumnado do centro. Ademáis, a xornada estivo amenizada por varias alumnas de 2º da ESO, que nos deleitaron con baile e música tradicionais.
O mércores 24, haberá un obradoiro poético con Rosalía Fernández Rial para o alumnado de 2º ciclo da ESO.
A traxectoria de Rosalía Fernández Rial (Costa da Morte, 1988) está marcada polo seu carácter disciplinar. É filóloga, doutora en didáctica das linguas e da expresión dramática pola USC e performer. Mais, sobre todo, e desde moi nova, dedícase á escrita.
Poema "A reflexión", dentro do poemario Árbores no deserto, ed. Galaxia, 2020
A REFLEXIÓN
Detrás do espello
todas eramos a mesma muller,
núa,
interrogativa,
reclamándolle respostas
á realidade.
Ninguén vai chamar por nós?
Ninguén —silencio—.
Porque sodes a mesma muller sen rostro,
sen nome.
E se nos creamos?
Que cada unha
se debuxe da forma que queira.
E foi así como demos a luz
os nosos lenzos,
soñando pincel,
imaxinando cores,
a grande escala.
Foi así como
comezamos a parirnos...
Ata nacer
entre os marcos ceibes
da fantasía feminina.
Así hoxe vexo,
nos seus ollos,
que o teu retrato
son eu.
Este poema é un grito contra o esquecemento de mulleres que sentaron as bases do pensamento feminista actual. Mulleres fortes e valentes que alzaron e alzan a súa voz contra o machismo e que, hoxe, son referentes. Mulleres coma Sojourner Truth, Flora Tristán, Concepción Arenal, Rosalía de Castro, Emma Goldmann, Virginia Woolf, Clara Campoamor, María Zambrano, Simone de Beauvoir, Kate Millet e Malala, están presentes nesta orixinal publicación.
Durante a semana do 24 ao 28 de abril, leváronse a cabo diversas actividades, con motivo do Día do Libro.
En Educación Secundaria :
Outras actividades:
O 27 de marzo conmemórase o Día Mundial do Teatro co obxectivo de dar a coñecer e reivindicar o que supuxo e supón esta arte para a cultura universal. Este xénero artístico estivo presente ao longo de toda a historia cultural da humanidade: na Antiga Grecia, onde os atenienses celebraban ritos na honra a Dionisio; cos romanos e as súas comedias; ou no teatro medieval e o pertencente ao Século de Ouro da literatura española.
Con el, o espectador é capaz de imaxinar, sentir, empatizar e gozar. De vivir diferentes historias, conmoverse con elas ou espertar as súas capacidades críticas.