ATENCIÓN!!! CONCURSO PARA O SAMAÍN!!!

ARREPÍO NUN CHÍO

A noite do 31 de outubro ao 1 de novembro celébrase o Samaín, unha festividade de orixe celta que marca o fin do verán, do tempo das colleitas, e o inicio do inverno. Nesta noite, as fronteiras entre o mundo dos vivos e dos mortos están máis preto. As portas do Alén ábrense e as ánimas poden visitar o Aquén e os seus moradores e moradoras. É, xa que logo, unha noite ligada á morte e, para lembrala, o Equipo da Biblioteca e mais o Equipo de Dinamización da Lingua Galega organizan o concurso de chíos de terror Arrepío nun chío. Como, que non sabes o que é un chío? De seguro que che resulta máis familiar o termo inglés tweet. A resposta é, pois, ben doada: unha mensaxe breve que non pode superar os 280 caracteres.

A continuación, especifícanse as bases deste concurso:

1. Poderás participar se es alumno ou alumna de ESO (1º, 2º, 3º ou 4º).

2. Para participar, tes que escribir un chío de terror en galego, ligado á morte e a todo o que a rodea, que non supere os 280 caracteres estipulados. O chío acompañaralo dunha imaxe que o represente.

3. Meteralo nun sobre aberto que levará escrito o curso en que estás na parte frontal. Dentro dese sobre debes incluír tamén un papeliño co teu nome e apelidos. Depositaralo nunha caixa de correo habilitada na biblioteca. Tamén podes compartilo nos perfís de Facebook e Instagram da biblioteca co cancelo #arrepíonunchío. Tes de prazo ata as 15.00 horas do mércores 30 de outubro.

4.            Haberá tres premios (1º, 2º e 3º) e o xurado formarano os membros do Equipo da Biblioteca.

5.            Os galardoados e galardoadas daranse a coñecer o venres 8 de novembro. Publicaranse os seus nomes na cortiza da entrada da biblioteca e nos perfís das redes sociais.

6.            Os premios serán unha sorpresa, mais queda garantido que será unha sorpresa orixinal. Recolleranse durante o festival de Nadal.

7.            Valoraranse especialmente a creatividade e a orixinalidade.

Veña, a que estás agardando? Dálle vida á túa alma narradora, crea o teu chío de terror e participa. Non te has arrepentir!

COÑECEMOS A NOSA BIBLIOTECA "SUSO DE MARCOS"

Está situada no segundo andar do CPI Armando Cotarelo Valledor. Neste espazo, ademais de atopar libros, poderás descubrir outros servizos que de seguro che serán de moia axuda:

- Espazo na rede: Oito ordenadores con conexión a internet e cos programas necesarios para a edición de textos e imaxes, por se precisas facer algún traballo.

- Recuncho dos pequeniños: Os máis novos do centro atopan aquí un lugar adaptado ás súas necesidades, con acceso aos contos propios da súa etapa, e con mobiliario cómodo para que se poidan relaxar mentres len.

- Traballamos en grupo: Nesta área da biblioteca, onde atopamos a sección de xeneralidades, unha mesa redonda achega aos grupos de rapaces que queiran reunirse para facer algún traballo en común.

- Estudar tamén é ler: Hai postos axeitados para os que queren traballar nas tarefas das clases.

- A sétima arte: Nesta sección temos dispoñibles para préstamo unha colección de DVDs.

- Outra rede social: A nosa biblioteca tamén é o punto de xuntanza do CLUBE DE LECTURA "OS TROTAMUNDOS"

TODOS OS MEMBROS DA COMUNIDADE EDUCATIVA SODES BENVIDOS!

RECOMENDACIÓNS LITERARIAS PARA ESTE VERÁN

Desde a biblioteca despedímonos este curso 2018/2019. Pensamos que foi un curso intenso no que fixemos moitas actividades: creación dunha ludoteca, apertura, de novo, do club de lectura, antroido, Samaín, Magosto, adquisición de novos libros para a biblioteca, etc.
Pero, o que máis desexamos, é que gocedes da lectura e que os libros formen parte da vosa vida cotiá, porque como dixo Miguel de Cervantes: "El que lee mucho y anda mucho, ve mucho y sabe mucho".
Por este motivo, na despedida, queremos recomendarvos algunhas lecturas para o verán.

SECUNDARIA

2º CICLO ESO:

Emotiva, conmovedora, diferente...Invisible narra, a través de los ojos de un niño, una historia que podría ser la de cualquiera de nosotros.¿Quién no ha deseado alguna vez ser invisible?¿Quién no ha deseado alguna vez dejar de serlo?El problema es que nunca he llegado a controlar bien ese poder:A veces, cuando más ganas tenía de ser invisible, era cuando más gente me veía, y en cambio, cuando deseaba que todos me vieran, era cuando a mi cuerpo le daba por desaparecer.

Coma se se tratase de Alicia caendo polo tobo, Nora viaxa ata finais do século XVIII. Alí terá que disfrazarse de home e tamén de señorita; adaptarse á vestimenta e aos costumes da época para lle axudar ao seu amigo Max a solucionar o problema coa criatura que o seu irresponsable amigo Víctor creou e abandonou no seu laboratorio. O efecto Frankenstein abre un eixe de diálogo entre dúas épocas e fainos reflexionar sobre a desigualdade de xénero, tanto no ámbito profesional coma no social. Así mesmo, como na obra de Shelley, tamén reitera a obriga moral de cumprir coas responsabilidades e as consecuencias das nosas accións.

1º CICLO ESO:



Mi nombre es Nour, y esta es la historia de mi viaje. Empezó en Libia, el país donde nací, una primavera en la que en lugar de flores florecieron bombas. Vi cosas que ningún niño debería ver. Viví cosas que ningún niño debería vivir. He conocido el miedo, la tristeza, la añoranza. Pero ahora estoy aquí para contároslo, porque ningún ser humano es ilegal.Esta es la historia de Nour. Tiene quince años, y en árabe su nombre significa «luz».La guerra en Libia le arrebató la infancia, y el viaje que emprendió con su familia la ha marcado para siempre, pero le ha aportado un presente y un futuro en España al que está logrando adaptarse. 

Páxina a páxina, coñeceremos as aventuras da pequena escrava Providence, quen se converterá no mariñeiro Chris e que navegará baixo as bandeiras dos piratas de máis sona: Bonnet, England... e Flint, o temible capitán do Walrus. Providence sabe cal é a vida á que está abocada dende o seu nacemento e será quen de rebelarse contra o seu destino. Non hai moitas oportunidades para as mulleres, e menos para as mulleres negras, no século XVIII. Pero as oportunidades, e a sorte, ás veces chegan andando sobre unha soa perna...

 PRIMARIA

9-12 anos

6-8 anos

T

Primeiros lectores

REMATAMOS A LUDOTECA!!!

Despois duns meses de traballo, por fin, rematamos a ludoteca. A partir da vindeira semana, o noso alumnado poderá dispor dun espazo no que relaxarse e compartir xogos e ratos de ocio dentro do centro nun lugar diferente ao patio.
Deixamos imaxes para que vexades como quedou ao final. Grazas a todo o alumnado que dunha forma ou outra colaborou na súa realización e, por suposto á promotora da idea, Yolanda.
Desde a biblioteca desexamos que gocedes da nosa ludoteca!!!

FESTIVAL DAS LETRAS GALEGAS

O 16 de maio, un día antes do día grande da nosa cultura, organizamos o Festival das Letras Galegas. Tivemos numerosas actuacións, desde recitais de poesía a música da nosa terra, explicación sobre a composición do traxe tradicional de Boimorto ou mesmo un obradoiro de baile galego, unha breve exposición da biografía do homenaxeado que, como todos sabedes, este ano 2019 foi Antón Fraguas e, como actuación final, a participación do monologuista: Avelino González.
Foron máis de dúas horas nas que tivemos de todo. Temos que dar as gracias a agrupación musical tradicional de Boimorto, "Os Santiaguiños", que colaboraron coa organización do mesmo.
Deixamos algunha imaxe tomada durante a celebración.

O NOSO COLLAGE SOBRE ANTÓN FRAGUAS

O alumnado de 3º ESO decidiu facer unha homenaxe ao autor protagonista das Letras Galegas deste ano 2019. Por este motivo, na clase de Educación Plástica e Visual fixeron un collage interprentando dúas fotos de Antón Fraguas. Posteriormente organizaron unha exposición nos corredores do centro para que os compañeiros puidesen apreciar o seu labor e aproveitaron para dar algún detalle da súa biografía.

LETRAS GALEGAS 2019

Este ano, para recordar ao autor homenaxeado das Lestras Galegas, fixemos diferentes actividades. Ademais de traballar sobre o autor nos diferentes grupos, o alumnado de 1º ESO de Educación Plástica e Visual realizou un cómic que adxuntamos nunha presentación. Deixámolo aquí para que o poidades ler con calma.

Comic Antón Fraguas 2019 from Equipo da Biblioteca

DÍA DO LIBRO

O pasado 23 de abril, conmemorouse o "DÍA DO LIBRO" e, como na biblioteca tamén queriamos participar, decidimos organizar dúas actividades. Por un lado un concurso que se baseaba en facer un "BOOKFACE" e que se extendía a todo o alumnado desde primaria a secundaria. 

Por outra banda, fixemos un libro que deixamos na biblioteca no que o alumnado ou profesorado que queira pode deixar unha recomendación dun libro para xeracións futuras. 

Deixamos imaxe do libro e do mural que elaboramos cos "BOOKFACE" que participaron.

A LUDOTECA COMEZA A TOMAR FORMA

Seguimos co proceso de decoración das paredes da ludoteca e temos que dicir que esto xa comeza a tomar forma. Deixamos unhas imaxes para que vexades con máis detemento os debuxos que van presidir a aula.

A CDU DE PRIMARIA

Xa vos explicamos algunha vez que a CDU serve para organizar unha biblioteca. Para que vos resulte máis sinxelo situarvos  decidimos colocar unha árbore ao lado da mesa de préstamos. Os froitos da mesma indican en que sección da biblioteca podedes encontrar libros do voso interese segunda a idade. Non quere dicir que non vos poida interesar outro libro doutra sección. Tamén vos animamos a indagar. 

Deixamos unha imaxe da árbore. 

O ALUMNADO DE 5º E 6º DE PRIMARIA LE CONTOS NO RECREO

Queremos agradecer desde o blog a colaboración que está a facer coa biblioteca o alumnado de 5º e 6º de primaria que, de forma voluntaria, está a ler nalgúns recreos contos aos seus compañeir@s máis pequenos. Deixamos un par de imaxes para que vexades como se levou a cabo a actividade.

Grazas rapaces pola vosa colaboración!!!

A LUDOTECA

Coma todos sabedes, un dos proxectos estrela deste curso é pór en marcha a ludoteca. Estamos totalmente inmers@s neste traballo e esperamos tela preparada en pouco tempo. Deixamos algunha imaxe para que vexades a evolución do traballo.

OS COLABORADORES DA BIBLIOTECA

Alá polo mes de xaneiro tivemos a xenial idea de buscar colaboradores para a biblioteca. Dicimos xenial, porque, coma sempre, o noso alumnado supera as nosas expectativas, e tivemos un montón de voluntarios. Por este motivo, pensamos facer unha entrada neste blog, para agradecerlles a súa colaboración, xa que moitas das cousas que se fixeron foron ideas deles e colaboran en diferentes tarefas como: entradas no blog, fotografías dos acontecementos do cole, buzón de suxerencias, facer empréstamos e devolucións, manter a biblioteca en orde.
GRAZAS COLABORADORES!!!!
Podedes recoñecelos porque nos recreos están na biblioteca e levan unha credencial como a que se amosa a continuación. Tamén vos deixamos unha imaxe do buzón de suxerencias que construíron.

UNHAS BIBLIOTECARIAS MOI DIVERTIDAS VISITAN AS AULAS DE PRIMARIA

O pasado martes, 2 de abril, o alumnado de primaria recibiu unha visita sorpresa nas súas aulas de dúas bibliotecarias moi aloucadas que presentaron algunha das novas adquisicións da nosa biblioteca. Traían unha caixa máxica da que saían libros de diferentes temáticas para que os coñeceramos.
Deixamos algunha imaxe para que, se as vedes na biblioteca do cole ou polos corredores, non perdades a ocasión de preguntarlles ou suxerir novos libros.

A LOITA POLA MULLERES, O 8M.

"DE VALIENTES QUE NO CALLAN ANTE EL MIEDO

EL RECUERDO DE LAS ALMAS QUE CALLERON,

COMBATIENDO CONTRA EL ODIO Y EL RENCOR

ES POR ELLAS QUE HOY CANTAMOS HACIA EL CIELO"

                                                     

                            Letra obtida de Somos, himno de OT 2018

O 8 de marzo, como tod@s sabedes, é unha desas datas de peso no calendario, "O día internacional da muller". No noso centro non queriamos deixar pasar esta data e fixemos un mural coas nosas mans para recordar que aínda hai moito traballo por facer para acadar a igualdade entre ámbolos dous sexos nalgúns eidos da sociedade. Por suposto, tamén foi unha data para recordar a todas a vítimas da violencia de xénero. 

Deixamos unha imaxe para que poidades ver como nos quedou o mural, que preside a entrada do noso centro. 

O ENTROIDO DE CANARIAS NON FOI, PERO O DE AQUÍ TAMÉN MOLOU!

Comezamos a semana coa boa tradición de seguir as ordes do meco. O martes trouxemos os zapatos nos pés, pero non de xeito común, senón un de cada tipo en cada pé.

O mércores o meco ordenou traer nos pés as zapatillas da casa.  O xoves seguimos a tradición, levantándonos da cama e vindo do mesmo xeito no que durmimos: co pixama!!!

Rematamos a semana co noso famoso festival de Entroido, ao que case todos acudimos disfrazados. Cando chegamos ao colexio preparamos os últimos detalles para saír polas rúas do pobo. No parque da vila  amosámoslles a todos os que nos acompañaban os nosos disfraces e os nosos bailes. Alí perdimos a vergoña toda!! Despois de tanto bailar, recargamos forzas comendo no comedor os produtos típicos do entroido. Ai meu Deus, que rico estaba todo, non tivemos máis opción que empacharnos a filloas e a orellas... A continuación tedes unha galería de imaxes tomadas durante a xornada.