Menú de Nadal

•  Decoración  de Nadal en EP e EI con portas e adornos para a nosa árbore. Na ESO fixeron unhas fermosas postais:

          Decoración e postais de Nadal

• Recomendacións lectoras:

        

        Carriños lectores en 1º ESO

• Concurso de xerseis feos de Nadal:

        

Carriños lectores

 Estes días previos ao Nadal, os carriños lectores chegaron a 1º da ESO, da man do Departamento de Lingua Castelá. Ían cheos de libros de diversas temáticas que se atopan na bibliblioteca. Recomendacións que serven como lecturas para estas vacacións, pero tamén como propostas para a Hora de Ler.

•   O 25N a rapazada de secundaria puido desfrutar dun fantástico recital teatralizado de @chevereteatro, As Fillas Bravas de Momán. Música, empoderamento e pura retranca galega xuntáronse nun maravilloso espectáculo feminista enxebre e reivindicativo. Grazas Chevere e grazas @medicosdomundogalicia por facelo posible!

        "As Fillas Bravas son tres mulleres que tocan e cantan o que lles peta como antes fixeron a súa nai         e a nai da súa nai, porque todas son fillas do vento, mulleres de andar a pé do toxo, orgullosas de vir          de tras da silveira."

• Dende Primaria e Infantil están traballando no Proxecto "Donas de si", se premedes neste link poderedes ver no seu blog todo o traballo realizado Unha marabilla! https://donasdesiboimorto.blogspot.com/

Xornada de portas abertas para as familias

O próximo xoves, 28 de novembro, faremos unha xornada de portas abertas para amosar ás familias os cambios que realizamos na sección de Primaria. Non faltedes!! Esperámosvos ás 11:10.

 

Premios "arrepiantes"

 Algúns dos cursos premiados xa desfrutaron dos seus agasallos "arrepiantes".

Chegou o Samaín

 Recomendacións de lecturas terroríficas:

Concurso de portas arrepiantes:

Concurso Samaín

Desde a biblioteca propoñémosvos un concurso de Portas Arrepiantes. 

Poderán participar todos os grupos do centro e valoraranse as portas máis arrepiantes, orixinais e creativas. 

Haberá un premio por cada etapa educativa: Educación Infantil, Educación Primaria e ESO.

Poderase participar ata o 28 de outubro.

Xornada de formación de usuarios na ESO

     A finais do mes de setembro tivemos as xornadas de               formacíón de usuarios da biblioteca para o alumnado de 1º da ESO.

NOVIDADES!!!

 NOVIDADES!!! Xa temos a biblio chea de novidades. Ven coñecelas!! 🎉

Novo curso, novos proxectos

     Aínda que xa levamos 15 días abrindo a biblioteca para o                 alumnado da ESO. Temos o recuncho de Educación Primaria         patas arriba, por iso non está dispoñible. Que está a pasar? Moi       pronto volo contaremos...

Diarios de lectura e suxestións das mochilas viaxeiras

Este curso retomamos a actividade das mochilas viaxeiras, que había anos que non se levaba a cabo, e así sacar a biblioteca fóra do centro e achegala aos fogares do noso alumnado.

Despois de ler os diarios e suxestións da rapazada, cremos que foi moi boa idea.

Velaquí os diarios lectores e as suxestións feitas polo alumnado:

BO VERÁN!!

Suxestións lectoras para o verán

 

Coa entrada do verán, chegan as suxestións lectoras para este tempo de lecer:

E Tamén vos deixamos as escollidas polos colaboradores na visita á Biblioteca Pública Ánxel Casal:

 Bo verán LECTOR!!

Día de foliada no centro

Hoxe foi un día moi especial pois celebramos a nosa primeira foliada. Tivemos unha xornada de festa e convivencia.

Dende o Equipo de Biblioteca queremos agradecer, especialmente, a colaboración de todo o alumnado que nos axudou a levar a cabo este proxecto: dende as presentadoras do evento, pasando polos autores dos traballos expostos e o alumnado que a montou. Sen eles non sería posible. MOITAS GRAZAS!!

Agradecementos aos nosos colaboradores

O luns 17 de xuño compartimos uns petiscos cos nosos colaboradores de Educación Primaria.

 E o mércores, 19 de xuño, xunto cos integrantes do Club de Lectura, visitamos a Biblioteca Pública Ánxel Casal, a Librería Aenea e a Cidade da Cultura.

O Equipo de Biblioteca quere agradecervos a vosa implicación e o voso traballo ao longo deste curso. Agora toca descansar e coller forzas para setembro. Moitas grazas!! Sen vós a biblioteca non ten sentido!!

Contacontos ao aire libre

 

O xoves, 30 de maio, o alumnado de Educación Infantil desfrutou do conto El congreso de los ratones, narrado por Rosa Carolina. Encantoulles!! Moitas grazas!!

Mural de Luísa Villalta

 O alumnado de EP preparou un mural sobre a homenaxeada este ano das Letras Galegas: Luísa Villalta

Taller de debuxo

 

O 22 de maio, no recreo de Educación Primaria, houbo un taller de debuxo, impartido polo alumno da ESO Óscar Zavala. Foi todo un éxito. Moitas grazas por participar e, sobre todo, moitas grazas a ti, Òscar por levar a cabo esta iniciativa tan estupenda.

Día das Letras Galegas

 Con motivo do Día das Letras Galegas, puidemos disfrutar da narración oral a cargo de Cris de Caldas e de Avelino González.

O xoves 11 de maio, visitou o noso centro Cris de Caldas e contoulle á rapazada máis cativa unha serie de historias que lles fixeron entender un pouquiño mellor o mundo no que vivimos.

O martes 14 de maio tocoulle aos máis grandes do centro. Avelino González contoulles unha chea de contos de aquí e acolá, porque en Boimorto hai moito que contar!!